Hari Minggoe bole dibilang blon compleet djikaloe blon tjobain djalan kaki santei masoek gang2 sempit dengen atmosfeer Chineesche Wijk, maka dari itoe satoe atjara jang toelen bikinan SAHABAT MUSEUM aken hadlir kombali dalem soewatoe programma jang dikassie nama:

PLESIRAN TEMPO DOELOE naar CHINA TOWN
Minggoe, 29 Februari 2004, djam poekoel 07.30 pagi

China Town atawa Kampong Tjina (Chineesche Kamp) soeda ada satelah peroesoehan sociaal jang menimpa Batavia pada tahon 1740. Pada ini djeman, tatkala orang2 Tjina hendak dipindahken ka kolonie VOC laennja iaitoe Ceylon (sekarang Sri Lanka), chabar jang tersiar menjataken bahoewa orang Olanda malahan memboewang orang2 Tjina ke dalem laoetan, maka orang2 Tjina di Batavia lekas lakoeken perlawanan kepada orang Olanda di dalem tembok kota Batavia. Satelah ini gebeurtenis (peristiwa), VOC lantas tempatken orang2 Tjina di loewar tembok kota Batavia atawa preciesnja di bilangan Glodok.

Dengen route jang sedikit djaoe oentoek ini boelan, kita orang saranken soepaja djaga toean2 dan njonja2 poenja kewarasan badan kerna ini plesiran bole djadi aken makan tempo lebi koerang 2 djam lamanja, dengen soesoenan atjara sebagi brikoet:

07.00 – 07.30 : Koempoel dan moelain dari Gedong Bank Indonesia
(Javasche Bank) Jl. Pintu Besar Utara (Binnennieuwpoortstraat)
depan halte Bus Way di Stasiun Beos Kota
07.30 – 07.40 : Jl. Pintu Besar Selatan (Buitennieuwpoortstraat)
07.40 – 07.50 : Jl. Pintu Besar Selatan I (Gang Ribalt)
07.50 – 08.00 : Jl. Pinangsia (Financieenstraat)
08.10 – 08.20 : Pasar Glodok (Tana Lapang Glodok / Glodokplein)
08.20 – 08.30 : Harco Glodok (Kantoor Politie sectie 2)
08.30 – 08.40 : Lindeteves Hayam Wuruk Indah (firma Lindeteves)
08.40 – 08.50 : Jl. Kemurnian I (Gang Petak)
08.50 – 09.00 : Jl. Kemurnian (Gang Torong)
09.00 – 09.10 : Kelenteng Jinde Yuan (Kim Tek Ie)
09.10 – 09.20 : Jl. Kemenangan III (Toasebio)
09.20 – 09.30 : Gereja Santa Maria de Fatima (bekas roemahnja kapitan Tjina)
09.30 – 09.40 : Kelenteng Toasebio (Toa sai bio)
09.40 – 09.50 : Jl. Perniagaan (Patekoan)
09.50 – 10.00 : Roemahnja familie Souw
09.30 – 09.45 : SMU 19 (bekas gedong Tiong Hoa Hwee Koan)
09.50 – 10.00 : Jl. Perniagaan Barat I (Gang Kong Koan)
10.00 – 10.10 : Jl. Perniagaan Timur (Kongsi Besar)
10.10 – 10.20 : Jl. Pintu Kecil II (Gang Rotan)
10.20 – 10.30 : Jl. Asemka (Asemka)
10.30 – 10.40 : kombali ke Gedong Bank Indonesia (Javasche Bank)
Jl. Pintu Besar Utara (Binnennieuwpoortstraat)

Harga kaartjis boewat ikoetin ini djalan2 santei sembari kenalin riwajat Glodok, tembok kota Batavia dan sapoeternja, di-reken pantes tjoema Rp. 20.000 per persoon soeda termasoek roti boeaja dan sinopsis China Town.
Silahken daftar dan confirmatie-ken kehadiran toean2 dan njonja2 ke adep@xxxxxxxxxxx boewat kita orang bikin kira2 brapa orang jang bakal ikoet. Dan djikaloe toean2 dan njonja2 fikir blon tentoe dengen ini informatie jang kita orang beriken, lekas lantas hoeboengi kita orang via lijn telefoon:
Adep : 0818 xxxxxxx
Yenny : 0812 xxxxxxx
Andra : 0818 xxxxxxx
Shofa : 0813 xxxxxxx
Djangan loepa boewat bawa handdoek ketjil dan djoega pajoeng, djikaloe hoedjan toeroen maka djalan2 aken dioendoer sampe hoedjan brenti. Kita orang harep toean2 dan njonja2 sekalian tida loepa boewat bawa makanan ketjil masing2 goena tangsel peroet djikaloe lapar.

Trima kasih atas attentienja
Sampe Berdjoempa!!!
Memoedjiken dengen hormat,

Ade Purnama (Adep)
SAHABAT MUSEUM

Harie minggoe tanggal 29 februarie?
Jadie moestie oeroes visum tjepat-setjepatnya!!

Loetjoe ja, orang Maloekoe disini masih tulis begini.

Woepsss, make that 'toelis'!
Greetz, Vinnie

En doe maar ook djadie en setjepatnja!!

De oude sepelling is momenteel een trend in Indië

Gruces

Lon

Wel effe wennen op deze manier, maar sjoekoerlach niet zo moeilijk als Kaerel Ende Elegast waar ik me op 'Den Middelbaare Inlandsche' school (HAVO) doorheen heb moeten worstelen.